معالم على الطريق

اليوم أول زيارة لى لسجن مزرعة طره
لزيارة المدون احمد محسن

ذهبت اليوم فى اول زيارة لى لسجن مزرعة طره لزيارة المدون احمد محسن واخوانه عايز ادى فكرة الاول عن سجن المزرعة اولا السجن ضخم جدا من حيث المساحة فهو مقسم الى سجن عادى وهذا يوجد فيها المتهمين بالرشوة والاموال العامة عموماوالسجن المجاور له هو السجن السياسى ويحتوى على المتهمين فى القضايا السياسية سواء كان اخوان او غير اخوان طبعا الغالبيه هناك للاخوان فى هناك اتجاهات تانية وفيه نصارى يعنى السجن ده فى كل السياسيين ايا كان اتجاههم ننتقل الى السجن الثالث وهو السجن الشديد او المشدد ودا فيه المحكوم عليه ب 15 سنة فما فوق وحتى الاعدام اما باقى مساحة السجن الشاسعة فعبارة عن مزارع للرومى وللخيول وللبقر وارض زراعية وملاعب كورة وحمام سباحة دا اللى انا شوفته بس فى اكيد حاجات كثيرة انامشفتهاش
نرجع لموضوع الزيارة دخلنا من على البوابة طبعا تفتيش بالاجهزة وبعدين تفتيش ذاتى دا فى البوابة الاولى دخلنا وبعدين انتظرنا الطفطف دا عبارة قطار صغير وبينزل كل واحد عند السجن اللى عايزه عشان فيه ناس بتبقى شايله حاجات كتير باختصار دخلنا الزيارة بعد ما اتفتشنا مرة ثانية وقابلت احمد محسن اول واحد سلمت عليه بحرارة بصراحة كان واحشنى قوى وحكيتله عن الاخبار اللى بره وحملة الالف مدون فرح جدا وكلفنى انى اشكر كل من تضامن معه ونشر البانر بتاع الحمله واشكر كل من كتب عن اعتقاله وبيقو"ل انا مش عارف هرد الحاجات دى للناس ازاى انا مكنتش متخيل ان كل الناس دى هتقف جنبى" دلوقتى احنا قعدنا معاه اكثر من نصف ساعة وخلاص هيرجع السجن تانى ودعته وهو اللى كان بيقولى شد حيلك مش انا اللى بقوله طبعا حالته النفسية مرتفعة جدا جدا .
نرجع تانى لباقى الزيارة لحسن الحظ ان كانت زيارة اسرة المهندس خيرت الشاطر النهارده فقابلته وسلمت عليه هو والاستاذ حسن مالك والصحفى الاستاذ احمد عز والدكتور خالد عودة والمهندس ايمن عبدالغنى وبعض الاخوة انا ناسى اسمائهم من برده من العسكريه بس فعلا الناس دى اعظم مما كنت اتصور ربنا يبارك فيهم ويفرج عنهم ويفك اسرهم آمين .

اظن كفاية كده لانى انا تعبت من الكتابة