مفاجأة يفجرها د/ احمد عبدالرحمن عن سبب اعتقاله

مفاجأة يفجرها د/ احمد عبدالرحمن عن سبب إعتقاله

فجر الدكتور احمد عبدالرحمن القيادى الاخوانى المعتقل ضمن 25 اخرين من اخوان الفيوم ومعهم المدون احمد محسن مفاجأة عن سبب إعتقاله وهى كالآتى:

ان ظباط امن الدولة قاموا بإعتقاله ردا على قبوله علاج محمد جمعة الدهشورى الذى قام بتعذيبه ظباط مباحث الفيوم وادى التعذيب الى موته بالمستشفى حيث قبله الدكتور / احمد عبدالرحمن بمستشفى مكة التخصصى التى يمتلكها ولانه ادلى بشهادته فى القضية ورفض كل الضغوط عليه فكان القبض عليه وإعتقاله ردا سريعا على ما قام به من واجب لمحمد جمعة الدهشورى شهيد التعذيب فى قسم شرطة الفيوم
ذلك ومن ناحية أخرى طلبت هيئة الدفاع عن الدكتور احمد عبدالرحمن ضم محضر قضية تعذيب محمد جمعة الدهشورى الى محضر القضية المتهمين بها الآن

والى اللقاء فى مفاجآت اخرى

استكمال فك الاحراز لاحمد محسن

اليوم استكمال عرض المدون احمد محسن
على نيابة امن الولة العليا بالتجمع الخامس

الحقيقة كنت عايز اقابل احمد محسن النهارده بأى طريقة عشان اعرفه ايه اللى بيحصل واعرف اخباره وبالفعل لقيته قاعد فى الدور الاول فى إنتظار العرض سلمت عليه وطلب منى ورقة وقلم كتب شويه حاجات اوصلها لاخوه هشام وبعدين كتب رسالة الى المدونيين كان نصها :

نص رسالة احمد محسن الى المدونين

"فى وقت يتم فيه التضييق على الصحفيين وتحويلهم الى المحاكمات وذلك لأهم الصحفيين اصحاب الفكر والرأى
وفى وقت يتم فيه التضييق على الحركات الاصلاحية السلمية الراغبة فى التغيير مثل كفاية ويلا نفضحهممن أجل مصر أكثر حرية وأكثر ديمقراطية
وفى هذا الوقت الذى تقمع فيه حرية التعبير ويضيق على كل أصحاب الرأى والفكر
هل يكون من المستغرب ان يتم إعتقالى من أجل افكارى؟؟!!!"

خدت منه الرسالة ووصلتله السلام من كل أعضاء الرابطة "رابطة مدونى الفيوم" وحان موعد الدخول الى التحقيق وبالفعل دخلت انا واحد الزملاء المحامين الاستاذ / عمرو السيد وبدأ التحقيق وبصراحة الراجل وكيل النيابة كان راجل محترم جدا كان يقرأ الكلام ويقول كلام جميل مفيش تشدد ولا حاجه وقعد يتكلم مع احمد شويه وكان بيناديه دائما بيا دكتور احمد بصراحة احسن وكيل نيابة دخلت عنده لحد دلوقتوبعدين استكتبه يعنى خلاه يكتب نفس الكلام اللى فى الورق عشان يطابق الخطوط وبعدين احمد كلم والدته وخاله واخوه على التليفون ونزلوه على الحجز طبعا الشباب كان كله صائم النهارده الاثنين وعلى العموم هو بيطمن اهله واصدقائه انه بأحسن حال ومش محتاج حاجة خالص وأوصى بالدعاء للاخوة المحالين للمحكمة العسكرية لان لم يتبقى على تلك المسرحية غير الفصل الاخير وبعدها الحكم فسأل الله تعالى ان يفرج كربهم خلا ص احنا كده خلصنا مع معتقلين الفيوم على الساعة 5 مساءا وبدأنا نستعد للسفر والرجوع للفيوم ففوجئنا بوصول 11 اخ من إخوان سوهاج تم إعتقالهم امس وهيتعرضوا على نيابة امن الدولة دلوقتى ومجاش معاهم محامين من سوهاج طبعا قعدنا وحضرنا معاهم التحقيقات نفس المسرحية الهزلية التى تمت مع معتقلى الفيوم نفس لستة الاتهامات اللى مش عارفين يغيروها طيب حتى غيروا الصياغة مثال مثلا كان واحد منهم متهم بحيازة منشورات إثارية تدعوا للثورة على النظام وعند فك الحرز وجدنا المنشورات الاثارية عبارة عن كتيبات صغيرة عن فضل شهر رمضان "مهزلة طبعا " وهكذا تم التحقيق وكالعادة 15 يوم حبس احتياطى على ذمة القضية

دلوقت انا هقوم انام عشان الحق اصحى الفجر

السلام عليكم
اكتب اليكم الان بعد صلاة الفجر وانا اجهز ملابسى للسفر للقاهرة لحضور عرض نيابة امن الدولة العليا لفك احراز 13 من معتقلى الفيوم منهم المدون احمد محسن انتظروا التفاصيل فى المساء بإذن الله

انتظرونا