اليوم استكمال عرض المدون احمد محسن
على نيابة امن الولة العليا بالتجمع الخامس
على نيابة امن الولة العليا بالتجمع الخامس
الحقيقة كنت عايز اقابل احمد محسن النهارده بأى طريقة عشان اعرفه ايه اللى بيحصل واعرف اخباره وبالفعل لقيته قاعد فى الدور الاول فى إنتظار العرض سلمت عليه وطلب منى ورقة وقلم كتب شويه حاجات اوصلها لاخوه هشام وبعدين كتب رسالة الى المدونيين كان نصها :
نص رسالة احمد محسن الى المدونين
"فى وقت يتم فيه التضييق على الصحفيين وتحويلهم الى المحاكمات وذلك لأهم الصحفيين اصحاب الفكر والرأى
وفى وقت يتم فيه التضييق على الحركات الاصلاحية السلمية الراغبة فى التغيير مثل كفاية ويلا نفضحهممن أجل مصر أكثر حرية وأكثر ديمقراطية
وفى هذا الوقت الذى تقمع فيه حرية التعبير ويضيق على كل أصحاب الرأى والفكر
هل يكون من المستغرب ان يتم إعتقالى من أجل افكارى؟؟!!!"
وفى وقت يتم فيه التضييق على الحركات الاصلاحية السلمية الراغبة فى التغيير مثل كفاية ويلا نفضحهممن أجل مصر أكثر حرية وأكثر ديمقراطية
وفى هذا الوقت الذى تقمع فيه حرية التعبير ويضيق على كل أصحاب الرأى والفكر
هل يكون من المستغرب ان يتم إعتقالى من أجل افكارى؟؟!!!"
خدت منه الرسالة ووصلتله السلام من كل أعضاء الرابطة "رابطة مدونى الفيوم" وحان موعد الدخول الى التحقيق وبالفعل دخلت انا واحد الزملاء المحامين الاستاذ / عمرو السيد وبدأ التحقيق وبصراحة الراجل وكيل النيابة كان راجل محترم جدا كان يقرأ الكلام ويقول كلام جميل مفيش تشدد ولا حاجه وقعد يتكلم مع احمد شويه وكان بيناديه دائما بيا دكتور احمد بصراحة احسن وكيل نيابة دخلت عنده لحد دلوقتوبعدين استكتبه يعنى خلاه يكتب نفس الكلام اللى فى الورق عشان يطابق الخطوط وبعدين احمد كلم والدته وخاله واخوه على التليفون ونزلوه على الحجز طبعا الشباب كان كله صائم النهارده الاثنين وعلى العموم هو بيطمن اهله واصدقائه انه بأحسن حال ومش محتاج حاجة خالص وأوصى بالدعاء للاخوة المحالين للمحكمة العسكرية لان لم يتبقى على تلك المسرحية غير الفصل الاخير وبعدها الحكم فسأل الله تعالى ان يفرج كربهم خلا ص احنا كده خلصنا مع معتقلين الفيوم على الساعة 5 مساءا وبدأنا نستعد للسفر والرجوع للفيوم ففوجئنا بوصول 11 اخ من إخوان سوهاج تم إعتقالهم امس وهيتعرضوا على نيابة امن الدولة دلوقتى ومجاش معاهم محامين من سوهاج طبعا قعدنا وحضرنا معاهم التحقيقات نفس المسرحية الهزلية التى تمت مع معتقلى الفيوم نفس لستة الاتهامات اللى مش عارفين يغيروها طيب حتى غيروا الصياغة مثال مثلا كان واحد منهم متهم بحيازة منشورات إثارية تدعوا للثورة على النظام وعند فك الحرز وجدنا المنشورات الاثارية عبارة عن كتيبات صغيرة عن فضل شهر رمضان "مهزلة طبعا " وهكذا تم التحقيق وكالعادة 15 يوم حبس احتياطى على ذمة القضية
دلوقت انا هقوم انام عشان الحق اصحى الفجر
هناك تعليقان (٢):
كان الله فى عونه وعون إخوانه
وفقهم ووفقكم الله إلى ما يحبه ويرضى
بارك الله فيكم
وجزاكم الله خيرا على وقفتكم بجانب إخوانكم من سوهاج
بجد حركة رجاله
محمد خيري
جزاكم الله خيرا اخى ابن الخطاب ولكن دى مش وقفة اللى وقفناها مع اخوان سوهاج ولكن هذا واجبنا وليس تفضل منا ونسأل الله تعالى ان يفك اسرهم جميعا
إرسال تعليق