صدمتى الثانية خلال هذا الشهر
بعد الصدمة الاولى بإعتقال اخى وصديقى احمد محسن منذ ما يقارب 15 يوم تم إعتقال اخى الثانى عيد شوقى امس الاول وذلك بعد ان داهم رجال امن الدولة بيته فى الثانية بعد منتصف الليل مدججين بالاسلحة الرشاشة"وبقيادة ضابط امن الدولة عمرو الحميلى ودا اللى ماسك مكتب امن الدولة فى سنورس" وكانهم داخلين حرب مش رايحين يقبضوا على واحد وبعد ان قلبوا المنزل راسا على عقب اخذوه معهم الى مقر مباحث امن الدولة لكن مش دا كله اللى ضايقنى فأى واحد من الاخوان متوقع اللى حصل لعيد يحصلوه فى اى وقت لكن اللى مضايقنى فعلا الظروف اللى تم القبض فيها على عيد فعيد شاب طيب مؤدب مهذب خجول وكان مسافر السعودية وقعد 3 سنوات ولسه جاى مصر من حوالى شهر وتزوج من حوالى اسبوعين ولم يفعل اى شيئ سوى انه كان يصلى فى المسجد يعنى كان لسه مشتغلش مع الاخوان ومكانش حد يعرفه لدرجة ان نبأ إعتقال عيد كان مفاجأة لكل اللى يعرفه كان مفاجأة وصدمة كمان على العموم اهله اتبهدلوا آخر بهدلة لانهم بيحبوه جدا واول مرة يتعرضوا لموقف زى ده ولكن ده قضاء ربنا وتم عرض عيد على نيابة سنورس امس وللأسف لم اتمكن من الحضور معه ولم يحضر معه احد من المحامين فتم إعادة التحقيق معه اليوم ولكن فى نيابة الفيوم الكلية طبعا انا نسيت أقول ان قبل العرض على النيابة كان فيه زيارة امن الدولة بما تم فيها من اسئلة لا تخلوا غالبا من بعض الاقلام وبعض اللكمات ولكن الحمد لله رجعوا بدون اصابات ظاهرة طبعا انا بتكلم بصيغة الجمع نسيت اقول ان عيد مكنش لواحده كان معاه شا ب تانى هو احمد قطب وعمره 28 سنه وتم عرضهم اليوم صباحا اما م النيابة وفاجأة النيابة الجميع كل اللى كان موجود متوقع طبعا إخلاء سبيله من سراى النيابة ولكن ن انا دخلت معاه التحقيق وبعد التحقيق وجدنا القرار حبس 15 يوم على ذمة التحقيق طبعا التهم الموجهة لهم هى الا الا صطامبة المحفوظة وهى " الانضام لجامعة محظورة وتوزيع منشورات تحض على كراهية النظام قال يعنى فيه ناس بتحب النظام واستغلال المناخ الديمقراطى السائد بالبلاد لقلب نظام الحكم بدعوى تطبيق الشريعة" طبعا قائمة التهم دى مش عارفين يغيروها او حتى يغيروا الصيغة طبعا مش عارفين وبعد ما صدر قرار النيابة وسط الذهول الشديد من جانب اصدقاء عيد اصيبت عائلته بصدمة وانخرطوا جميعا فى البكاء والده ووالدته واخوته وزوجته والكل غير مصدق وهو الآن ينفذ مدة الحبس الاحتياطى فى مركز شرطة سنورس وهو من اسوأ مراكز الشرطة على الاطلاق حيث المبنى متهالك وسيئ التهوية دا طبعا غير الادارة الغبية التى لا تفقه شيئا لا قانون ولا غيره نسأل الله تعالى ان يفك اسرهم قريبا ويعودوا الى ذويهم سالمين
ليست هناك تعليقات:
إرسال تعليق