معالم على الطريق

لا للمحاكمات العسكرية

البداية قبل دخل النقابة

اثناء إنعقاد المؤتمر

الوقفة التضامنية بعد المؤتمر

طبعا كنا محاصرين

على القهوة بعد الاكلاثناء العودة طبعا مش كلنا موجودين فى الصورة

البداية عرفنا ان هناك مؤتمر للتضامن مع المحاكمين عسكريا فقررنا ف لجنة الشريعة الاسلامية بنقابة المحامين بالفيوم المشاركة والتضامن معهم وبالفعل ذهبنا الى هناك طبعا اتصلت بحبيبى عبدالرحمن فارس وقولتله تعال معانا ومش هتدفع فلوس طبعا ما صدق ولقيته واقف مستنى جنب الاتوبيس وصلنا النقابة العامة والمؤتمر شغال طبعا المؤتمر كان للمحامين بس وبدأ ضيوف المؤتمر يتحدثون عن المحاكم العسكرية وعدم شرعيتها وكان من ابرز المتحدثين الاستاذ محمد طوسون والاستاذ اسامة الحلو والاستاذ ممدوح اسماعيل (محامى الجماعات الاسلامية ) وانتهى المؤتمر بإعلان منظمى المؤتمر عن الوقفة التضامنية على سلم النقابة والتى بدأت بالهتاف ضد المحاكمات العسكرية وامن الدولة وانتهى الموضوع كله قبل المغرب بنصف ساعة وكان 95% من الناس اللى جاية معانا من الفيوم المحاميين صايمين فتوجهنا الى اقرب محل فراخ مشوية بعد صلاة المغرب كلنا بعد معاناة لان التربيزة اللى كنت قاعد عليها انا وعبدالرحمن اخر تربيزة نزلها اكل فالمحامين خلصوا اكل قبلينا وبدأو يتسلوا علينا كل واحد ياخد حته وهو نازل ما علينا نزلنا نزلنا فى الآخر مش لقايين حد كناحوالى 22 واحد اختفوا فجأة وجدناهم قاعدين على قهوة الحرية طبعا قررت انى اصورهم صورتهم وقعدت اهددهم بنشر الصور طبعا قالوا لا متنشرش طبعا انا مسمعتش الكلام بعد القهوة رحنا الاتوبيس لاستئناف رحلة العودة طبعا كان فى برنامج جميل جدا فى الاتوبيس لان كان معانا 3 محامين من معتقلى طره المفرج عنهم قعدوا حكوا لنا على كل حاجة من ساعة ماتم القبض عليهم حتى الخروج وخواطرهم عن تلك الايام التى كانت اجمل ايا حياتهم بالاضافة لبعض الاسكتشات للاخ على صابر لحد ما وصلنا سنورس بسلام اغلب الناس نزلت سنورس لزيارة الاخ احمد بهاء المحامى لانه مريض بعد الزيارة كل واحد ركب على بلده وانا روحت بيتنا ونمت والى اللقاء فى رحلة اخرى